Merenda no club de Secundaria

 Para rematar o libro deste trimestre que mellor que facelo con algo doce que xa nos anuncia que estamos ás portas da Pascua co seu tradicional roscón.

Disfrutamos de lectura e algo moi doce......

 

Entroido no club de lectura

 

E como non ía ser menos, as alumnas do club de lectura de secundaria fixeron a reunión en pixama tal e como mandaron as comandas do Meco.

Encontro virtual con Eduard Velasco

 Hoxe tivemos un encontro virtual con Eduard Velasco, autor do libro de poemas que acabamos de ler no Club de Lectura de Primaria: Animalario de ler a diario (Xerais).

 Preguntámoslle sobre a súa traxectoria como autor, sobre os libros que escribiu e os que está por escribir, sobre o poemario e o que supón ser finalista do Premio Merlín... Falamos dalgúns dos poemas que máis nos chamaron a atención e démoslle as nosas opinións. Tamén nos contou cousiñas sobre a súa percepción das linguas e da literatura en xeral. O que máis curiosidade espertaba en nós era por qué nacendo en Barcelona escribe en galego, pero agora xa o entendimos todo : ) A verdade é que foi un encontro moi interesante!

Bruxas e dragóns

 Hoxe tivemos reunión do club e xa preparamos a seguinte co obxectivo de elixir itinerario e chegar ata onde se indican todas as intrucións do libro-xogo. Despois, tocará xogar (e ler).

 

 

Probamos?????

 Daniela de 5*, do Club de Lectura, animouse a probar unha das receitas incluídas no libro Esmeraldina, a pequena defunta, de Ledicia Costas.

Dixo que a Carrot cake quedou deliciosa. Quen se anima a probala??

Animalario de ler a diario

Este vai ser o noso próximo libro no club de lectura de Primaria

Esta noite hai foliada no souto e os animais convídannos a bailar con eles e a descubrir como viven polo ar, pola terra e polo mar. A vacaloura, o morcego, o corrobolás ou o caranguexo tatexo farannos rir e emocionarannos, e tamén farán que xoguemos cos poemas deste divertidísimo animalario de ler a diario, con bicharía da noite e do día.

As nosas reseñas de Esmeraldina