Celebración das Letras no Concello

Acércase o Día das Letras Galegas que, como ben sabedes a estas alturas, adicámoslle este ano a Manuel María.

Contaremos coas actuación das dúas agrupacións folclóricas das que desfrutamos no noso concello: AC Xarandeira e a agrupación folclórica Algueirada. Asemade, contaremos coa Asociación Cultural Agarimo (Vedra) e a Agrupación de música e baile tradicional de Cuntis. Como novidade, este ano levarase a cabo un recital de poemas de Manuel María por parte do Club de Lectura do CPI Pontecesures.

Aimámosvos a acudir porque pensamos que é importante para estes rapaces, tanto os que bailan e tocan nas agrupacións como os do club de lectura, recoñécerlle o seu traballo e valía, así como a adicación que amosan nas súas respectivas aficións.

Agadámosvos o SÁBADO 14 a partir das 17:00 na Prazuela!!!

Escoita, irmau, as miñas verbas:

son sinxelas e impuras

como as verbas feridas

co coitelo dos beizos, cada día.

Vouche decir tan só que teño

a miña mau tendida,

aberta, núa e viva como o mar.

Que teño, irmau, maduro o corazón

pra gardar nel as verbas túas.

Que a vida é moi fermosa

aínda que hai homes

que teñen os beizos emporcados

con verbas de falsía,

i o corazón podre polo odio,

i as maus pingando sangue,

i agachados, no fondo dos seus petos,

en vixía,

coitelos e pistolas asesinas.

¿Que importa, irmau, que morra o día

si a súa morte

abre en nós a espranza do mencer?

Non temas.

Aínda o paxaro ten canciós

i as estrelas se alcenden cada noite.

Manuel María, Mar Maior en Antoloxía Poética, edición de Camilo Gómez Torres, Vigo, AS-PG, 1997